Woordeboek van Afrikaans Vandag

Redakteur: Jana Luther | En nog WAT | Podsendings | Help ons

Van 2020 af word eietydse taalgebruik – nuwe woorde, betekenisse, uitdrukkings, asook ouer vorme wat meestal nog nié in ander woordeboeke staan nie – intyds hier versamel en af en toe in Pharos Aanlyn bygewerk. Sedert 2024 word, met toestemming, ook taalrubrieke, -podsendings en ander -insetsels stelselmatig bygevoeg. Dit kry jy slegs hier. Tik ’n woord in die soekkassie en vind dit dadelik, indien dit opgeneem is – ook Engelse woorde. Let op dat jy moet aandui of jy in die woordeboek of rubrieke wil soek. Onthou dat ’n lewende woordeboek, nes Afrikaans, heeltyd groei en verander. Neem aan ons leesprogram deel en help ons!

A | B | C | D | E | F | G | H | I | J | K | L | M | N | O | P | Q | R | S | T | U | V | W | X | Y | Z

geldmuil s.nw. | geldmuile | iemand wat op versoek van ’n ander persoon (onwetend of teen betaling), iewers geld gaan aflewer, of wat sy of haar bankrekening (laat) gebruik om geld wat op ’n onwettige manier bekom is, na ’n vreemde rekening of persoon oor te plaas, soos om iemand te help wat kwansuis geld aan ’n familielid in ’n ander land wil stuur: › Almal het seker al van ’n dwelmmuil gehoor, maar ’n geldmuil is ’n nuwe skelmstreek wat al hoe meer toeneem en waarteen verbruikers nou gewaarsku word (Nellie Brand-Jonker, Netwerk24, 6 Julie 2022). › Hoewel dit onmiddellik ’n rooi vlag behoort te wees, sal jy verbaas wees hoeveel mense gewillig gehoor gee in die hoop dat hulle van hulp kan wees [...] Inligting dui daarop dat geldmuile gebruik word vir onwettighede soos geldwassery, die finansiering van terreur en vir mensehandel (Nellie Brand-Jonker, Netwerk24, 6 Julie 2022). › ’n Geldmuil wat in 2017 met bykans R22 miljoen in rand- en dollar-note in vier tasse op die Bram Fischer-lughawe in Bloemfontein betrap is, is [...] ’n boete van R200 000 of agt jaar tronkstraf [...] opgelê (Kaydene Davids, Netwerk24, 4 Maart 2021).
◌ ENGELS: money mule

Let wel
As ’n soekwoord nie as trefwoord opgeneem is nie, word dit in ander artikels vertoon, indien dit voorkom. Soek dan met CTRL-F om sulke voorbeelde op jou rekenaarskerm uit te lig. Jy kan ook met spesiale karakters soek. Kyk hier onder.

Please note
This dictionary mainly contains words, meanings and expressions that have not yet been included in other Afrikaans dictionaries, together with a collection of language columns, blogs, video inserts and podcasts. If a search word is not included as a headword, examples of the word in other entries (definitions, usage examples, usage notes, etc) are displayed, if they occur. Then search with CTRL-F to highlight such examples on your screen.

Soek met spesiale karakters

Simbool	Funksie	Voorbeeld
"..."	Frase	"ten opsigte van"
_	Een ontbrekende karakter	cal_one
%	Enige aantal ontbrekende karakters	ka%abidiol
/1-9	Binne dié getal woorde van mekaar, in dié volgorde	"wat lei"/7
@1-9	Binne dié getal woorde van mekaar, in enige volgorde	"wat lei"@7
&	Vind al twee	virus & epidemie
\|	Vind die een of die ander	virus \| epidemie
#	Vind die een of die ander, maar nie al twee nie	virus # epidemie

Hierdie woordeboek is aan geen ander woordeboekprojek verbonde nie en word deur niemand geldelik gesteun nie. Dit is ’n onafhanklike inisiatief van die redakteur in haar vrye tyd.