Woordeboek van Afrikaans Vandag

Redakteur: Jana Luther | En nog WAT | Podsendings | Help ons

Van 2020 af word eietydse taalgebruik – nuwe woorde, betekenisse, uitdrukkings, asook ouer vorme wat meestal nog nié in ander woordeboeke staan nie – intyds hier versamel en af en toe in Pharos Aanlyn bygewerk. Sedert 2024 word, met toestemming, ook taalrubrieke, -podsendings en ander -insetsels stelselmatig bygevoeg. Dit kry jy slegs hier. Tik ’n woord in die soekkassie en vind dit dadelik, indien dit opgeneem is – ook Engelse woorde. Let op dat jy moet aandui of jy in die woordeboek of rubrieke wil soek. Onthou dat ’n lewende woordeboek, nes Afrikaans, heeltyd groei en verander. Neem aan ons leesprogram deel en help ons!

A | B | C | D | E | F | G | H | I | J | K | L | M | N | O | P | Q | R | S | T | U | V | W | X | Y | Z

masjienleer s.nw. [geen meervoud] (rekenaar) die skep van algoritmes deur uit rou data patrone te identifiseer en op grond daarvan voorspellings te maak: › Masjienleer, ’n vorm van kunsmatige intelligensie, is iets wat ons elke dag teëkom. Jy herken dit dalk as die “because you watched” op Netflix, of “because you listened” op Spotify: voorstelle wat gemaak word gegrond op jou vorige gedrag (Rozanne Els, Vrye Weekblad, 13 November 2020). › Facebook gebruik masjienleer om sy stelsels op te lei om gevalle van haatspraak te identifiseer deur soveel moontlik voorbeelde daarvan – tot honderdduisende – vir die stelsel te voer. Hoe meer inligting die stelsel het, hoe sterker en groter raak Facebook se vangnet om seker te maak sy gebruiksvoorwaardes- en reëls word nagekom (Rozanne Els, Vrye Weekblad, 13 November 2020). › Die sagteware maak staat op masjienleer. ’n Individuele databasis van ’n boer se kudde word opgebou soos wat toenemend meer foto’s oor tyd heen geneem word. Hierdie foto’s word dan ingevoer na ’n wolktoepassing waar ’n platform vir al die diere gebou word. Elke dier kry ’n etiket en kan geëien word (Elsabé Brits, Landbouweekblad, 23 Oktober 2020).
◌ ENGELS: machine learning

samestelling(s):
masjienleertegniek

KYK OOK: taalmodel

Let wel
As ’n soekwoord nie as trefwoord opgeneem is nie, word dit in ander artikels vertoon, indien dit voorkom. Soek dan met CTRL-F om sulke voorbeelde op jou rekenaarskerm uit te lig. Jy kan ook met spesiale karakters soek. Kyk hier onder.

Please note
This dictionary mainly contains words, meanings and expressions that have not yet been included in other Afrikaans dictionaries, together with a collection of language columns, blogs, video inserts and podcasts. If a search word is not included as a headword, examples of the word in other entries (definitions, usage examples, usage notes, etc) are displayed, if they occur. Then search with CTRL-F to highlight such examples on your screen.

Soek met spesiale karakters

Simbool	Funksie	Voorbeeld
"..."	Frase	"ten opsigte van"
_	Een ontbrekende karakter	cal_one
%	Enige aantal ontbrekende karakters	ka%abidiol
/1-9	Binne dié getal woorde van mekaar, in dié volgorde	"wat lei"/7
@1-9	Binne dié getal woorde van mekaar, in enige volgorde	"wat lei"@7
&	Vind al twee	virus & epidemie
\|	Vind die een of die ander	virus \| epidemie
#	Vind die een of die ander, maar nie al twee nie	virus # epidemie

Hierdie woordeboek is aan geen ander woordeboekprojek verbonde nie en word deur niemand geldelik gesteun nie. Dit is ’n onafhanklike inisiatief van die redakteur in haar vrye tyd.