Woordeboek van Afrikaans Vandag

Redakteur: Jana Luther | En nog WAT | Podsendings | Help ons

Van 2020 af word eietydse taalgebruik – nuwe woorde, betekenisse, uitdrukkings, asook ouer vorme wat meestal nog nié in ander woordeboeke staan nie – intyds hier versamel en af en toe in Pharos Aanlyn bygewerk. Sedert 2024 word, met toestemming, ook taalrubrieke, -podsendings en ander -insetsels stelselmatig bygevoeg. Dit kry jy slegs hier. Tik ’n woord in die soekkassie en vind dit dadelik, indien dit opgeneem is – ook Engelse woorde. Let op dat jy moet aandui of jy in die woordeboek of rubrieke wil soek. Onthou dat ’n lewende woordeboek, nes Afrikaans, heeltyd groei en verander. Neem aan ons leesprogram deel en help ons!

A | B | C | D | E | F | G | H | I | J | K | L | M | N | O | P | Q | R | S | T | U | V | W | X | Y | Z

samesweringsteorie s.nw. | samesweringsteorieë | idee dat ’n slegte situasie, of iets slegs wat gebeur, die gevolg van ’n geheime plan is wat deur ’n magtige persoon of groep uitgevoer word: › Navorsers sê samesweringsteorieë is ’n manier om ’n middelvinger vir die instellings te wys wat hulle so grief. Maar dit streel ook die beseerde ego’s van mense wat nou weer spesiaal voel omdat hulle dink hulle verstaan iets wat ander mense nie weet nie. Dit verskaf eenvoudige verklarings vir ingewikkelde gebeure en laat hulle meer in beheer daarvan voel (Joan van Zyl, Vrye Weekblad, 5 Januarie 2024). › In ’n diep verdeelde land het leuens, samesweringsteorieë, verdagmakery en persoonlike aanvalle alledaags geword (Willem Kempen, Vrye Weekblad, 30 Julie 2021). › Samesweringsteorieë is so eie aan Afrikaners as aan elke ander liggelowige pioniersgemeenskap. Dit is skynbaar die enkele narratief wat nie deur goeie skolastiese ervaring ondermyn word nie (Piet Croucamp, Vrye weekblad, 21 Mei 2021). › Die probleem met [sosiale media-]platforms is dat dit broeiplekke is vir samesweringsteorieë. Die Plat Aarde-beweging se gewildheid het ongelooflik toegeneem vir ’n teorie wat dag ná dag onwaar verklaar word. Omdat so baie mense egter dié beweging op sosiale media volg, sal die teorie nooit uitsterf nie (Daniel Cilliers, Die Burger, 20 Augustus 2020).
◌ ENGELS: conspiracy theory

Let wel
As ’n soekwoord nie as trefwoord opgeneem is nie, word dit in ander artikels vertoon, indien dit voorkom. Soek dan met CTRL-F om sulke voorbeelde op jou rekenaarskerm uit te lig. Jy kan ook met spesiale karakters soek. Kyk hier onder.

Please note
This dictionary mainly contains words, meanings and expressions that have not yet been included in other Afrikaans dictionaries, together with a collection of language columns, blogs, video inserts and podcasts. If a search word is not included as a headword, examples of the word in other entries (definitions, usage examples, usage notes, etc) are displayed, if they occur. Then search with CTRL-F to highlight such examples on your screen.

Soek met spesiale karakters

Simbool	Funksie	Voorbeeld
"..."	Frase	"ten opsigte van"
_	Een ontbrekende karakter	cal_one
%	Enige aantal ontbrekende karakters	ka%abidiol
/1-9	Binne dié getal woorde van mekaar, in dié volgorde	"wat lei"/7
@1-9	Binne dié getal woorde van mekaar, in enige volgorde	"wat lei"@7
&	Vind al twee	virus & epidemie
\|	Vind die een of die ander	virus \| epidemie
#	Vind die een of die ander, maar nie al twee nie	virus # epidemie

Hierdie woordeboek is aan geen ander woordeboekprojek verbonde nie en word deur niemand geldelik gesteun nie. Dit is ’n onafhanklike inisiatief van die redakteur in haar vrye tyd.