Woordeboek van Afrikaans Vandag

Redakteur: Jana Luther | En nog WAT | Podsendings | Help ons

Van 2020 af word eietydse taalgebruik – nuwe woorde, betekenisse, uitdrukkings, asook ouer vorme wat meestal nog nié in ander woordeboeke staan nie – intyds hier versamel en af en toe in Pharos Aanlyn bygewerk. Sedert 2024 word, met toestemming, ook taalrubrieke, -podsendings en ander -insetsels stelselmatig bygevoeg. Dit kry jy slegs hier. Tik ’n woord in die soekkassie en vind dit dadelik, indien dit opgeneem is – ook Engelse woorde. Let op dat jy moet aandui of jy in die woordeboek of rubrieke wil soek. Onthou dat ’n lewende woordeboek, nes Afrikaans, heeltyd groei en verander. Neem aan ons leesprogram deel en help ons!

A | B | C | D | E | F | G | H | I | J | K | L | M | N | O | P | Q | R | S | T | U | V | W | X | Y | Z

skhothane s.nw. | izikhothane | (Zoeloe) modieuse jong swart stedeling wat ten spyte van beperkte middele graag rykdom en status vertoon, en dit dan grootdoenerig verkwis: › Izikhothane in die townships spog met hul duur Italiaanse skoene wat hulle soms in die openbaar verwoes. Hierdie skynbaar ligsinnige verbruikersrituele is ’n verset teen die nadors van apartheid (Mthobeli Ngcongo en Sifiso Mnisi, Netwerk24, 3 November 2023). › By hierdie ukukhothana-gebeurtenisse daag die izikhothane op met ontwerpersklere [...] Hulle bring ook wat in die township-konteks beskou word as duur kitskos [...] Die duur klere word soms geskeur, verbrand of op getrap. Die kos word op ’n speelse manier na mekaar en op die grond gegooi. Die alkohol word gedrink, die deelnemers was hul hande daarmee en dit word selfs ook op die grond uitgegooi. Hierdie dinge word alles gedoen om rykdom, styl en buit af te wys (Mthobeli Ngcongo en Sifiso Mnisi, Netwerk24, 3 November 2023).

KYK OOK: ukukhothana

oorsprong:
Van Zoeloe ukukhotha “om te lek”, stadsleng “om te spog”.

Let wel
As ’n soekwoord nie as trefwoord opgeneem is nie, word dit in ander artikels vertoon, indien dit voorkom. Soek dan met CTRL-F om sulke voorbeelde op jou rekenaarskerm uit te lig. Jy kan ook met spesiale karakters soek. Kyk hier onder.

Please note
This dictionary mainly contains words, meanings and expressions that have not yet been included in other Afrikaans dictionaries, together with a collection of language columns, blogs, video inserts and podcasts. If a search word is not included as a headword, examples of the word in other entries (definitions, usage examples, usage notes, etc) are displayed, if they occur. Then search with CTRL-F to highlight such examples on your screen.

Soek met spesiale karakters

Simbool	Funksie	Voorbeeld
"..."	Frase	"ten opsigte van"
_	Een ontbrekende karakter	cal_one
%	Enige aantal ontbrekende karakters	ka%abidiol
/1-9	Binne dié getal woorde van mekaar, in dié volgorde	"wat lei"/7
@1-9	Binne dié getal woorde van mekaar, in enige volgorde	"wat lei"@7
&	Vind al twee	virus & epidemie
\|	Vind die een of die ander	virus \| epidemie
#	Vind die een of die ander, maar nie al twee nie	virus # epidemie

Hierdie woordeboek is aan geen ander woordeboekprojek verbonde nie en word deur niemand geldelik gesteun nie. Dit is ’n onafhanklike inisiatief van die redakteur in haar vrye tyd.