Woordeboek van Afrikaans Vandag

Redakteur: Jana Luther | En nog WAT | Podsendings | Help ons

Van 2020 af word eietydse taalgebruik – nuwe woorde, betekenisse, uitdrukkings, asook ouer vorme wat meestal nog nié in ander woordeboeke staan nie – intyds hier versamel en af en toe in Pharos Aanlyn bygewerk. Sedert 2024 word, met toestemming, ook taalrubrieke, -podsendings en ander -insetsels stelselmatig bygevoeg. Dit kry jy slegs hier. Tik ’n woord in die soekkassie en vind dit dadelik, indien dit opgeneem is – ook Engelse woorde. Let op dat jy moet aandui of jy in die woordeboek of rubrieke wil soek. Onthou dat ’n lewende woordeboek, nes Afrikaans, heeltyd groei en verander. Neem aan ons leesprogram deel en help ons!

A | B | C | D | E | F | G | H | I | J | K | L | M | N | O | P | Q | R | S | T | U | V | W | X | Y | Z

akkel² s.nw. | akkels | akkeltjie | (Kaaps)

› akkeltjies maak ◌ Ook akkels maak ◌ vrypostig of aanstellerig wees: › Horie, ek was lief vir akkeltjies maak. Ná die diens sou ek by die preekstoel gaan staan en dieselfde doen wat die pastoor vroeër gedoen het. Dan sou ek weer by die keyboard gaan sit en maak asof ek dit kan speel (Dean Smith, Kuier, 10 Oktober 2019). › Met net ’n klein bakkie wat met vier rekbande vasgemaak is om die skaamheid te verberg, let die leeu op dat hy nou ’n Chippendale geword het – een van daai gespierde ouens wat op die verhoog voor ’n klomp jillende Evas sy akkeltjies maak! (JulianJansen, Rapport, 17 Mei 2020). › Dis moeilik om te glo dié tiener wat effens skaam voorkom, is dieselfde atleet wat breëbors en vol selfvertroue akkeltjies uitvoer voor elke wedstryd (Chrislynn Sias, Kuier, 9 November 2018).
◌ SINONIEM(E): jou (lyf) grootmeneer hou
◌ ENGELS: be forward | be full of airs and graces

› akkeltjies trap draaie gooi, die/’n riel dans: › Gerugte het die ronde begin doen dat plaasboere werkers met drank uitlok om akkeltjies te trap vir die vermaak van hulle families en hulle gaste (Marike Bekker, LitNet, 2 Desember 2014).

Let wel
As ’n soekwoord nie as trefwoord opgeneem is nie, word dit in ander artikels vertoon, indien dit voorkom. Soek dan met CTRL-F om sulke voorbeelde op jou rekenaarskerm uit te lig. Jy kan ook met spesiale karakters soek. Kyk hier onder.

Please note
This dictionary mainly contains words, meanings and expressions that have not yet been included in other Afrikaans dictionaries, together with a collection of language columns, blogs, video inserts and podcasts. If a search word is not included as a headword, examples of the word in other entries (definitions, usage examples, usage notes, etc) are displayed, if they occur. Then search with CTRL-F to highlight such examples on your screen.

Soek met spesiale karakters

Simbool	Funksie	Voorbeeld
"..."	Frase	"ten opsigte van"
_	Een ontbrekende karakter	cal_one
%	Enige aantal ontbrekende karakters	ka%abidiol
/1-9	Binne dié getal woorde van mekaar, in dié volgorde	"wat lei"/7
@1-9	Binne dié getal woorde van mekaar, in enige volgorde	"wat lei"@7
&	Vind al twee	virus & epidemie
\|	Vind die een of die ander	virus \| epidemie
#	Vind die een of die ander, maar nie al twee nie	virus # epidemie

Hierdie woordeboek is aan geen ander woordeboekprojek verbonde nie en word deur niemand geldelik gesteun nie. Dit is ’n onafhanklike inisiatief van die redakteur in haar vrye tyd.