Woordeboek van Afrikaans Vandag

Redakteur: Jana Luther | En nog WAT | Podsendings | Help ons

Van 2020 af word eietydse taalgebruik – nuwe woorde, betekenisse, uitdrukkings, asook ouer vorme wat meestal nog nié in ander woordeboeke staan nie – intyds hier versamel en af en toe in Pharos Aanlyn bygewerk. Sedert 2024 word, met toestemming, ook taalrubrieke, -podsendings en ander -insetsels stelselmatig bygevoeg. Dit kry jy slegs hier. Tik ’n woord in die soekkassie en vind dit dadelik, indien dit opgeneem is – ook Engelse woorde. Let op dat jy moet aandui of jy in die woordeboek of rubrieke wil soek. Onthou dat ’n lewende woordeboek, nes Afrikaans, heeltyd groei en verander. Neem aan ons leesprogram deel en help ons!

A | B | C | D | E | F | G | H | I | J | K | L | M | N | O | P | Q | R | S | T | U | V | W | X | Y | Z

tatsoi s.nw. [geen meervoud] raapagtige Asiese knolplant, Brassica rapa (variëteit narinosa), met donkergroen lepelvormige blare wat in pesto, roerbraaigeregte en slaaie gebruik word, asook om sop te versier: › Daar is tot tien verskillende koolvariëteite, waaronder die vinnig groeiende michihili- Chinese kool wat binne 55 tot 100 dae geoes kan word. Ander vinnige groeiers is Oosterse blaargroente soos pak choi en tatsoi, verskillende mosterdblare, Switserse snybeet en radyse, insluitend “soet” radyse (Alice Coetzee, Netwerk24, 18 April 2020). › Asiatiese groente sluit mosterdagtige plante soos mizuna en Japannese reuse-rooikool in, asook die ligter Chinese kool tatsoi en pak choi. Hierdie blaargroentes is sappig, krakerig en baie voedsaam, met vitamien C, betakaroteen, vitamiene B₂ en B₆, foliensuur, yster en magnesium sowel as kalsium. (Alice Coetzee, Netwerk24, 13 April 2019).
◌ ENGELS: tatsoi | tat choy

oorsprong:
Kantonees: “hanggroente”

KYK OOK: paksoi

Let wel
As ’n soekwoord nie as trefwoord opgeneem is nie, word dit in ander artikels vertoon, indien dit voorkom. Soek dan met CTRL-F om sulke voorbeelde op jou rekenaarskerm uit te lig. Jy kan ook met spesiale karakters soek. Kyk hier onder.

Please note
This dictionary mainly contains words, meanings and expressions that have not yet been included in other Afrikaans dictionaries, together with a collection of language columns, blogs, video inserts and podcasts. If a search word is not included as a headword, examples of the word in other entries (definitions, usage examples, usage notes, etc) are displayed, if they occur. Then search with CTRL-F to highlight such examples on your screen.

Soek met spesiale karakters

Simbool	Funksie	Voorbeeld
"..."	Frase	"ten opsigte van"
_	Een ontbrekende karakter	cal_one
%	Enige aantal ontbrekende karakters	ka%abidiol
/1-9	Binne dié getal woorde van mekaar, in dié volgorde	"wat lei"/7
@1-9	Binne dié getal woorde van mekaar, in enige volgorde	"wat lei"@7
&	Vind al twee	virus & epidemie
\|	Vind die een of die ander	virus \| epidemie
#	Vind die een of die ander, maar nie al twee nie	virus # epidemie

Hierdie woordeboek is aan geen ander woordeboekprojek verbonde nie en word deur niemand geldelik gesteun nie. Dit is ’n onafhanklike inisiatief van die redakteur in haar vrye tyd.