Woordeboek van Afrikaans Vandag

Redakteur: Jana Luther | En nog WAT | Podsendings | Help ons

Van 2020 af word eietydse taalgebruik – nuwe woorde, betekenisse, uitdrukkings, asook ouer vorme wat meestal nog nié in ander woordeboeke staan nie – intyds hier versamel en af en toe in Pharos Aanlyn bygewerk. Sedert 2024 word, met toestemming, ook taalrubrieke, -podsendings en ander -insetsels stelselmatig bygevoeg. Dit kry jy slegs hier. Tik ’n woord in die soekkassie en vind dit dadelik, indien dit opgeneem is – ook Engelse woorde. Let op dat jy moet aandui of jy in die woordeboek of rubrieke wil soek. Onthou dat ’n lewende woordeboek, nes Afrikaans, heeltyd groei en verander. Neem aan ons leesprogram deel en help ons!

A | B | C | D | E | F | G | H | I | J | K | L | M | N | O | P | Q | R | S | T | U | V | W | X | Y | Z

uitvissing s.nw. [geen meervoud] (rekenaar, internet) situasie waarin ’n bedrieër in ’n e-pos, SMS of foonoproep, hom/haar as ’n amptenaar van bank of ander diensverskaffer voordoen en van niksvermoedende slagoffers vertroulike inligting, soos aanmeldbesonderhede, PIN-nommers en dies meer probeer bekom

› e-posuitvissing
◌ ENGELS: phishing

› SMS-uitvissing
◌ ENGELS: SMS phishing | smishing

› stemuitvissing
◌ ENGELS: vishing

samestelling(s):
uitvissingsaanval: › G. sê wanneer mense van die huis af werk, is hulle selfs meer kwesbaar vir uitvissingsaanvalle en wanware (finweek, 24 Mei 2020).
uitvissings-e-pos: › Volgens die plaaslike sekerheidsmaatskappy wat e-posstelsels probeer beveilig, het die aantal uitvissing-e-posse tussen Januarie en Maart met meer as 600% toegeneem (Petrus Malherbe, Netwerk24, 2 September 2020).
uitvissingsveldtog: › Die gewildste maniere om slagoffers se netwerke met losprysware te infekteer, is uitvissingsveldtogte (phishing) per e-pos, die uitbuit van tekortkominge in die protokol vir afgeleë (remote) gebruikers, en skuiwergate in sagteware (Willem Kempen, Vrye Weekblad, 24 September 2021).

KYK OOK: uitvissingsboodskap

Let wel
As ’n soekwoord nie as trefwoord opgeneem is nie, word dit in ander artikels vertoon, indien dit voorkom. Soek dan met CTRL-F om sulke voorbeelde op jou rekenaarskerm uit te lig. Jy kan ook met spesiale karakters soek. Kyk hier onder.

Please note
This dictionary mainly contains words, meanings and expressions that have not yet been included in other Afrikaans dictionaries, together with a collection of language columns, blogs, video inserts and podcasts. If a search word is not included as a headword, examples of the word in other entries (definitions, usage examples, usage notes, etc) are displayed, if they occur. Then search with CTRL-F to highlight such examples on your screen.

Soek met spesiale karakters

Simbool	Funksie	Voorbeeld
"..."	Frase	"ten opsigte van"
_	Een ontbrekende karakter	cal_one
%	Enige aantal ontbrekende karakters	ka%abidiol
/1-9	Binne dié getal woorde van mekaar, in dié volgorde	"wat lei"/7
@1-9	Binne dié getal woorde van mekaar, in enige volgorde	"wat lei"@7
&	Vind al twee	virus & epidemie
\|	Vind die een of die ander	virus \| epidemie
#	Vind die een of die ander, maar nie al twee nie	virus # epidemie

Hierdie woordeboek is aan geen ander woordeboekprojek verbonde nie en word deur niemand geldelik gesteun nie. Dit is ’n onafhanklike inisiatief van die redakteur in haar vrye tyd.