Woordeboek van Afrikaans Vandag

Redakteur: Jana Luther | En nog WAT | Podsendings | Help ons

Van 2020 af word eietydse taalgebruik – nuwe woorde, betekenisse, uitdrukkings, asook ouer vorme wat meestal nog nié in ander woordeboeke staan nie – intyds hier versamel en af en toe in Pharos Aanlyn bygewerk. Sedert 2024 word, met toestemming, ook taalrubrieke, -podsendings en ander -insetsels stelselmatig bygevoeg. Dit kry jy slegs hier. Tik ’n woord in die soekkassie en vind dit dadelik, indien dit opgeneem is – ook Engelse woorde. Let op dat jy moet aandui of jy in die woordeboek of rubrieke wil soek. Onthou dat ’n lewende woordeboek, nes Afrikaans, heeltyd groei en verander. Neem aan ons leesprogram deel en help ons!

A | B | C | D | E | F | G | H | I | J | K | L | M | N | O | P | Q | R | S | T | U | V | W | X | Y | Z

chlorokien s.nw. [gewoonlik enkelvoud] (farmakologie, geneeskunde) kinien wat geneeskundig gebruik word as ’n middel teen malaria, en omdat dit die immuunstelsel lig onderdruk, ook vir die behandeling van sommige outo-immuunsiektes, soos rumatoïede artritis en lupus eritematose, ’n outo-immune bindweefselsiekte: › ’n Onlangse waarnemingstudie oor chlorokien en hidrochlorokien het dié malariamiddels verbind met ’n verhoogte sterftekoers en ’n aritmiese hartklop in hospitaalpasiënte met Covid-19 (Elsabé Brits, Vrye Weekblad, 5 Junie 2020). › Chlorokien is reeds tydens die Tweede Wêreldoorlog ontwikkel en vir baie jare was dit die voorkeurmiddel om malaria te behandel of te voorkom dat jy die siekte kry. Ongelukkig het die malariaparasiet grootliks weerstandig teen hierdie middel geraak. Vandag word chlorokien, veral hidroksiechlorokien omdat newe-effekte minder is wanneer hoë doserings geneem word, gebruik om inflammatoriese toestande soos rumatoïede artritis en lupus te behandel (Heinz Mödler, Rapport, 19 April 2020).
◌ ENGELS: chloroquine

samestelling(s):
chlorokienbehandeling: › Chlorokien-behandeling is vroeg in die koronaviruspandemie as noodmaatreël deur die VSA se Food and Drug Administration (FDA) goedgekeur en pres. Donald Trump het veel geroem oor hierdie wonderkuur vir Covid-19. [...] Enkele maande later is hierdie maatreël herroep omdat die behandeling tog onsuksesvol was, en talle pasiënte het ernstige newe-effekte ervaar (Johan B. Ubbink, Netwerk24, 8 Januarie 2021).

Let wel
As ’n soekwoord nie as trefwoord opgeneem is nie, word dit in ander artikels vertoon, indien dit voorkom. Soek dan met CTRL-F om sulke voorbeelde op jou rekenaarskerm uit te lig. Jy kan ook met spesiale karakters soek. Kyk hier onder.

Please note
This dictionary mainly contains words, meanings and expressions that have not yet been included in other Afrikaans dictionaries, together with a collection of language columns, blogs, video inserts and podcasts. If a search word is not included as a headword, examples of the word in other entries (definitions, usage examples, usage notes, etc) are displayed, if they occur. Then search with CTRL-F to highlight such examples on your screen.

Soek met spesiale karakters

Simbool	Funksie	Voorbeeld
"..."	Frase	"ten opsigte van"
_	Een ontbrekende karakter	cal_one
%	Enige aantal ontbrekende karakters	ka%abidiol
/1-9	Binne dié getal woorde van mekaar, in dié volgorde	"wat lei"/7
@1-9	Binne dié getal woorde van mekaar, in enige volgorde	"wat lei"@7
&	Vind al twee	virus & epidemie
\|	Vind die een of die ander	virus \| epidemie
#	Vind die een of die ander, maar nie al twee nie	virus # epidemie

Hierdie woordeboek is aan geen ander woordeboekprojek verbonde nie en word deur niemand geldelik gesteun nie. Dit is ’n onafhanklike inisiatief van die redakteur in haar vrye tyd.