Woordeboek van Afrikaans Vandag

Redakteur: Jana Luther | En nog WAT | Podsendings | Help ons

Van 2020 af word eietydse taalgebruik – nuwe woorde, betekenisse, uitdrukkings, asook ouer vorme wat meestal nog nié in ander woordeboeke staan nie – intyds hier versamel en af en toe in Pharos Aanlyn bygewerk. Sedert 2024 word, met toestemming, ook taalrubrieke, -podsendings en ander -insetsels stelselmatig bygevoeg. Dit kry jy slegs hier. Tik ’n woord in die soekkassie en vind dit dadelik, indien dit opgeneem is – ook Engelse woorde. Let op dat jy moet aandui of jy in die woordeboek of rubrieke wil soek. Onthou dat ’n lewende woordeboek, nes Afrikaans, heeltyd groei en verander. Neem aan ons leesprogram deel en help ons!

A | B | C | D | E | F | G | H | I | J | K | L | M | N | O | P | Q | R | S | T | U | V | W | X | Y | Z

fediversum s.nw. [soms verkort tot die Fedi] [geen meervoud, ook met ’n hoofletter] (internet) versameling sosiale netwerke, webwerwe, blogs, mikroblogs, lêers en dergelike wat gehuisves word op verskillende bedieners op verskillende plekke in die wêreld, maar wat onderling gekoppel (= gefedereer) is, en waartoe gebruikers van sosiale media toegang kry deur te registreer en ’n gebruikersprofiel te skep op enige van verskillende platforms, soos Mastodon (soortgelyk aan Twitter), PeerTube (soortgelyk aan YouTube) en dergelike, wat aan die hele netwerk verbind is: › Jy kan enige bediener en enige platform kies en het net een rekening op een bediener en platform nodig om mense in al die uithoeke van die fediversum te kan volg en met hulle te kan kommunikeer. › Niemand kan die fediversum koop nie, want daar is geen enkele ding wat gekoop kan word nie. Die Fedi bestaan uit duisende bedieners wat onafhanklik besit en bestuur word (Fedi.tips).
◌ SINONIEM(E): federatiewe internet | fediheelal
◌ ENGELS: fediverse

oorsprong:
Samevoeging van federasie + universum

samestelling(s):
Fedi(-)bediener

Let wel
As ’n soekwoord nie as trefwoord opgeneem is nie, word dit in ander artikels vertoon, indien dit voorkom. Soek dan met CTRL-F om sulke voorbeelde op jou rekenaarskerm uit te lig. Jy kan ook met spesiale karakters soek. Kyk hier onder.

Please note
This dictionary mainly contains words, meanings and expressions that have not yet been included in other Afrikaans dictionaries, together with a collection of language columns, blogs, video inserts and podcasts. If a search word is not included as a headword, examples of the word in other entries (definitions, usage examples, usage notes, etc) are displayed, if they occur. Then search with CTRL-F to highlight such examples on your screen.

Soek met spesiale karakters

Simbool	Funksie	Voorbeeld
"..."	Frase	"ten opsigte van"
_	Een ontbrekende karakter	cal_one
%	Enige aantal ontbrekende karakters	ka%abidiol
/1-9	Binne dié getal woorde van mekaar, in dié volgorde	"wat lei"/7
@1-9	Binne dié getal woorde van mekaar, in enige volgorde	"wat lei"@7
&	Vind al twee	virus & epidemie
\|	Vind die een of die ander	virus \| epidemie
#	Vind die een of die ander, maar nie al twee nie	virus # epidemie

Hierdie woordeboek is aan geen ander woordeboekprojek verbonde nie en word deur niemand geldelik gesteun nie. Dit is ’n onafhanklike inisiatief van die redakteur in haar vrye tyd.