Woordeboek van Afrikaans Vandag

Redakteur: Jana Luther | En nog WAT | Podsendings | Help ons

Van 2020 af word eietydse taalgebruik – nuwe woorde, betekenisse, uitdrukkings, asook ouer vorme wat meestal nog nié in ander woordeboeke staan nie – intyds hier versamel en af en toe in Pharos Aanlyn bygewerk. Sedert 2024 word, met toestemming, ook taalrubrieke, -podsendings en ander -insetsels stelselmatig bygevoeg. Dit kry jy slegs hier. Tik ’n woord in die soekkassie en vind dit dadelik, indien dit opgeneem is – ook Engelse woorde. Let op dat jy moet aandui of jy in die woordeboek of rubrieke wil soek. Onthou dat ’n lewende woordeboek, nes Afrikaans, heeltyd groei en verander. Neem aan ons leesprogram deel en help ons!

A | B | C | D | E | F | G | H | I | J | K | L | M | N | O | P | Q | R | S | T | U | V | W | X | Y | Z

geselsbot s.nw. | geselsbotte | [verkorting van geselsrobot] (internet) program wat kunsmatige intelligensie gebruik om gesprekke met menslike gebruikers te simuleer, veral via die internet: › Ander maatskappye probeer jou van die spoor af gooi met die sogenaamde ChatBot, ’n stukkie kunsmatige intelligensie wat veronderstel is om jou unieke probleem op ’n geselskanaal op te los. Ek moet nog iemand ontmoet wie se probleem deur ’n geselsrobot opgelos is (Albertus van Wyk, Vrye Weekblad, 4 November 2022). › ’n Aanlyn geselsbot is ’n emosioneel intelligente stem sonder ’n liggaam. › 'n Verslaggewer […] knoop onlangs met Xiao Ice, ofte wel Klein Ysie, ’n roerende gesprek aan. Ysie is Microsoft se nuwe Chineessprekende geselsbot. Sy is ook ’n liefdesbot, ’n aanlyn robot as hartsvriendin (Etienne Britz, Netwerk24, 19 September 2015). › ’n Voorbeeld is die groeiende aantal geselsrobotte wat maatskappye op hul webwerf begin gebruik om ’n gebruiker met ’n probleem (of diagnose) te probeer help. Die gebruiker moet duidelik ingelig word dat die gesprek met ’n rekenaar is en nie met ’n mens nie (Basie von Solms, Netwerk24, 27 Mei 2021).
◌ SINONIEM(E): kletsbot
◌ ENGELS: chatbot

KYK OOK: ChatGPT

Let wel
As ’n soekwoord nie as trefwoord opgeneem is nie, word dit in ander artikels vertoon, indien dit voorkom. Soek dan met CTRL-F om sulke voorbeelde op jou rekenaarskerm uit te lig. Jy kan ook met spesiale karakters soek. Kyk hier onder.

Please note
This dictionary mainly contains words, meanings and expressions that have not yet been included in other Afrikaans dictionaries, together with a collection of language columns, blogs, video inserts and podcasts. If a search word is not included as a headword, examples of the word in other entries (definitions, usage examples, usage notes, etc) are displayed, if they occur. Then search with CTRL-F to highlight such examples on your screen.

Soek met spesiale karakters

Simbool	Funksie	Voorbeeld
"..."	Frase	"ten opsigte van"
_	Een ontbrekende karakter	cal_one
%	Enige aantal ontbrekende karakters	ka%abidiol
/1-9	Binne dié getal woorde van mekaar, in dié volgorde	"wat lei"/7
@1-9	Binne dié getal woorde van mekaar, in enige volgorde	"wat lei"@7
&	Vind al twee	virus & epidemie
\|	Vind die een of die ander	virus \| epidemie
#	Vind die een of die ander, maar nie al twee nie	virus # epidemie

Hierdie woordeboek is aan geen ander woordeboekprojek verbonde nie en word deur niemand geldelik gesteun nie. Dit is ’n onafhanklike inisiatief van die redakteur in haar vrye tyd.